प्रधानमन्त्रीसँग विपक्षी दलहरूको भेट राति ८ बजे
काठमाडौं । प्रधानमन्त्री केपी शर्मा ओलीसँगको विपक्षी दलहरूको भेट राति ८ बजेका लागि तय भएको छ । यसअघि सोमबार (आज) अपराह्न ४ बजेका लागि निर्धारण भएको भेट सरेर ८ बजे पुगेको आम जनता पार्टी (आजपा) अध्यक्ष प्रभु साहले जानकारी दिए । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ जुम्ला छन् भने नेकपा (एकीकृत समाजवादी) का […]
काठमाडौं । प्रधानमन्त्री केपी शर्मा ओलीसँगको विपक्षी दलहरूको भेट राति ८ बजेका लागि तय भएको छ ।
यसअघि सोमबार (आज) अपराह्न ४ बजेका लागि निर्धारण भएको भेट सरेर ८ बजे पुगेको आम जनता पार्टी (आजपा) अध्यक्ष प्रभु साहले जानकारी दिए ।
नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ जुम्ला छन् भने नेकपा (एकीकृत समाजवादी) का अध्यक्ष माधवकुमार नेपाल लुम्बिनी छन् । उनीहरू दुबै फर्किएपछि भेटघाट गर्नेगरी भेटको समय राति ८ बजे तोकिएको हो ।
विपक्षी दलहरूले सरकारका काम-कारबाही र कदमबारे सचेत गराउँदै अध्यादेशबाट शासन सञ्चालन नगर्न चेतावनी दिने तयारी गरेका छन् । उनीहरूले ज्ञापनपत्रसमेत तयार गरेका छन् ।
प्रधानमन्त्रीलाई ज्ञापनपत्र बुझाउने दलहरूमा माओवादी केन्द्र र एकीकृत समाजवादीसँगै राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा) र नागरिक उन्मुक्ति पार्टी (नाउपा) छन् ।
What's Your Reaction?