मापसे गरेर दमकमा पत्नि माथि हतियार प्रहार

झापा, १८ कात्तिक । दमक नगरपालिका वडा नं। ९ शान्ति चोकमा ७१ वर्षीय राजेन्द्र शाहले मापसे गरेको अवस्थामा आफ्नै श्रीमतीमाथि धारिलो हतियार प्रहार गरी घाइते बनाएका छन्।

कात्तिक१६ गते राति ५९ वर्षीया दिलमाया ठकुरीमाथि दुबै खुट्टामा आक्रमण भएपछि उनी घाइते भएकी हुन्।

इलाका प्रहरी कार्यालय दमकमा घटनाबारे जानकारी १७ गते बिहान १० बजे प्राप्त भएलगत्तै प्रहरी टोली घटनास्थलमा पुगेर घाइते दिलमायालाई उपचारका लागि निम्स अस्पताल दमक पठाएको थियो।

हाल उनको अवस्था बोल्नसक्ने र मध्यम रहेको जनाइएको छ। घटनामा संलग्न राजेन्द्र शाहलाई नियन्त्रणमा लिई थप अनुसन्धान भइरहेको प्रहरीले जनाएको छ।

The post मापसे गरेर दमकमा पत्नि माथि हतियार प्रहार appeared first on Jhapa Online.