एन्ड्रयु लिओनार्ड र प्रधानमन्त्री ओलीबीच भेटवार्ता

काठमाडौं । प्रधानमन्त्री केपी शर्मा ओली र  एन्ड्रयु लिओनार्डबीच भेटवार्ता भएको छ ।  प्रधानमन्त्री ओलीले लिओनार्डसँगको तस्वीर शुक्रबार सामाजिक संजालमा शेयर गर्दे यसबारेमा जानकारी दिएका छन् ।

उक्त भेटमा क्यानका सचिव पारस खड्का पनि सहभागी थिए ।  उनीहरुबीच अहिले चलिरहेको एनपीएलका विषयमा कुरा भएको प्रधानमन्त्री ओलीले बताएका छन् ।

प्रधानमन्त्री ओलीले फेसबुकमा लेखेका छन्, ‘लिओनार्डले नेपाली क्रिकेटलाई माया गर्नुहुन्छ, उहाँ आफ्ना उद्घोषणहरुमा नेपाली समाज, कला र संस्कृतिलाई समेत जोड्नुहुन्छ । मलाई उहाँको कमेन्ट र प्रस्तुति मन पर्छ।’