दक्षिण कोरियामा १८१ जना सवार विमान दुर्घटना : कम्तिमा २८ जनाको मृत्यु

झापा, १४ पुस । दक्षिण कोरियाको मुआन अन्तर्राष्ट्रिय विमानस्थलमा विमान दुर्घटनाग्रस्त भएको छ । १८१ जना सवार सो विमानमा कम्तीमा २८ जनाको मृत्यु भएको योनहाप समाचार एजेन्सीले उल्लेख गरेको छ। विमान धावनमार्गबाट ​​चिप्लिएर पर्खालमा ठोक्किएको जनाइएको छ ।

१७५ यात्रु र छ जना चालक दलका सदस्य रहेको जेजु एयरको विमान थाइल्याण्डको बैंककबाट फर्किरहेको र अवतरण गर्ने क्रममा दुर्घटना भएको बताइएको छ। अन्यको उद्धार कार्य जारी रहेको समाचारमा उल्लेख छ । आइतबार बिहान दुर्घटना भएको विमानमा रहेका यात्रुहरूमा १७३ जना दक्षिण कोरियाली र दुई जना थाई नागरिक थिए। दुर्घटनाको कारण स्पष्ट नभएपनि चरा ठोक्किएर वा अवतरण गियर बिग्रिएर दुर्घटना भएको हुनसक्ने प्रारम्भिक अनुमान गरिएको छ ।

The post दक्षिण कोरियामा १८१ जना सवार विमान दुर्घटना : कम्तिमा २८ जनाको मृत्यु appeared first on Jhapa Online.