मोटरसाइकल चोरीमा संलग्न दुई जना पक्राउ

मोरङ, १९ पुस । मोरङको विराटनगर महानगरपालिका–४ स्थित नोवेल शिक्षण अस्पतालबाट मोटरसाइकल चोरीमा संलग्न २ जनालाई प्रहरीले पक्राउ गरेको छ ।

पुष १८ गते राति ८ बजे अस्पतालमा पार्किङ गरी राखेको को २३ प ६१७६ र प्रदेश १–०२–०४४ प १९ नम्बरको मोटरसाइकलको लक फुटाएर चोरी गर्दै गरेको अवस्थामा विराटनगर–३ का १८ वर्षीय निकपाल यादव र १८ वर्षीय जितेन्द्र यादवलाई अस्पतालमा खटिएको प्रहरी कर्मचारीले नियन्त्रणमा लिएको हो । चोरीमा संलग्न रहेका दुवै जनाको सम्बन्धमा जिल्ला प्रहरी कार्यालय मोरङबाट थप अनुसन्धान भइरहेको छ ।

The post मोटरसाइकल चोरीमा संलग्न दुई जना पक्राउ appeared first on Jhapa Online.