शीर्षस्थानको लिभरपुललाई लयमा नरहेको युनाइटेडले बराबरी रोक्यो
काठमाडौं । पछिल्लो समय लयमा नरहेको म्यानचेस्टर युनाइटेडले इंग्लिस प्रिमियर लिग फूटबलको शीर्ष टोली लिभरपुललाई बराबरीमा रोकेको छ । युनाइटेडले आइतबार राति लिग लिडर लिभरपुललाई उसको घरेलु मैदान एनफिल्डमै २–२ गोलको बराबरीमा रोकेको हो । अमाड डेल्लोले खेलको अन्त्यतिर गोल गरेपछि युनाइटेडले लयमा रहेको लिभरपुललाई बराबरीको रोक्न सफल भयो । खेलमा अग्रता युनाइटेडले नै लिएको […]

काठमाडौं । पछिल्लो समय लयमा नरहेको म्यानचेस्टर युनाइटेडले इंग्लिस प्रिमियर लिग फूटबलको शीर्ष टोली लिभरपुललाई बराबरीमा रोकेको छ ।
युनाइटेडले आइतबार राति लिग लिडर लिभरपुललाई उसको घरेलु मैदान एनफिल्डमै २–२ गोलको बराबरीमा रोकेको हो ।
अमाड डेल्लोले खेलको अन्त्यतिर गोल गरेपछि युनाइटेडले लयमा रहेको लिभरपुललाई बराबरीको रोक्न सफल भयो ।
खेलमा अग्रता युनाइटेडले नै लिएको थियो । लिसान्द्रो मार्टिनेजले ५२ औं मिनेटमा गोल गर्दै युनाइटेडलाई अग्रता दिलाए । तर त्यसको ७ मिनेटपछि लिभरपुलका कोडी गाक्पोले बराबरी गोल गरे ।
यसपछि खेलको ७० औं मिनेटमा मोहम्मद सलाहले पेनाल्टीमा गोल गर्दै लिभरपुललाई अग्रता दिलाए ।
तर खेलको ८० औं मिनेटमा डेल्लोले गोल गर्दै युनाइटेडलाई हारबाट जोगाए ।
जारी लिगअन्तर्गत १९ खेल खेल्दा लिभरपुलको ४६ अंक छ । २० खेलमा २३ अंकसहित युनाइटेड लिगको १३ औं स्थानमा छ ।
युनाइटेड आधुनिक प्रिमियर लिगको सर्वाधिक १३ पटकको विजेता हो । यद्यपि, पछिल्लो समय उ खराब लयबाट गुज्रिरहेको छ ।
लिगको अर्को खेलमा फुलहम र इपस्विचले २–२ को बराबरी खेलेका छन् । फुलहम ३० अंकसहित नवौं स्थानमा छ । इपस्विच १६ अंकसहित १८ औं स्थानमा रहेको छ ।
What's Your Reaction?






