जाडोमा हुने मुटुका यी जोखिम, यसरी गर्नुहोस् सुरक्षा

काठमाडौं । जाडोमा शरीरलाई स्वस्थ र न्यानो राख्नु अत्यन्तै महत्त्वपूर्ण कुरा हो ।

चिसोको कारणले हाम्रो शरीरका धेरै अङ्गहरूमा नराम्रो असर पर्छ जसमा मुटु सबैभन्दा जोखिममा हुन्छ । जाडोमा मुटुले धेरै गुणा बढी मेहनत गर्नुपर्छ ।

सुस्त जीवनशैलीको कारण मुटु रोगीहरूको सङ्ख्या बढ्न थाल्छ । डाक्टरहरूका अनुसार जाडो मौसममा ४ प्रकारका मुटु रोगीहरू बढ्ने गर्छन् ।

भारतको शारदा अस्पतालका इन्टरनल मेडिसिन विभागका प्रोफेसर डा. भूमेश त्यागीकाअनुसार जाडोमा मुटुका समस्याहरू बढ्न थाल्छ र अस्पतालहरूमा पनि यस्ता बिरामीहरू धेरै आउँछन् । चिसोमा मुटुसँग सम्बन्धित यी ४ समस्याहरूले सबैभन्दा बढी सताउँछन् ।

• हृदयाघात
• हर्ट फेल
• हर्ट ब्लक
• मांसपेशी कमजोर

चिसोमा कसलाई मुटु रोगले किन सताउँछ ?

स्वास्थ्य विशेषज्ञअनुसार चिसोको कारण व्यक्तहरूको शारीरिक गतिविधिहरू कम हुन्छ । त्यसैगरी तारेको र भुटेको खाना धेरै खान थाल्छन् । यस अवस्थामा मुटुमा भार बढ्न थाल्छ ।

शरीर र रगतलाई न्यानो राख्न मुटुले बढी मेहनत गर्नुपर्छ । जाडोमा धमनीहरू खुम्चिने हुनाले रगत प्रवाह ढिलो हुन्छ । यस्तो अवस्थामा मुटुका मांसपेशीहरूले राम्रोसँग अक्सिजन पाउन सक्दैनन्, जसले हृदयाघात र स्ट्रोकको जोखिम बढाउँछ ।

चिसोमा तापक्रम कम हुन थाल्छ । जसको कारणले रक्तचाप र कोलेस्ट्रोलको स्तर बढ्ने जोखिम रहन्छ । यी दुवै कुराहरूले मुटु आक्रमणको जोखिमलाई धेरै गुणा बढाउँछन् ।

यदि तपाईंलाई पहिलेदेखि नै कुनै मुटु सम्बन्धी रोग छ भने जोखिम बढी हुन सक्छ । यद्यपि जसलाई मुटुको रोग छैन उनीहरूले पनि यस मौसममा सावधान रहन आवश्यक छ ।

कसलाई बढी जोखिम रहन्छ ?

• उच्च कोलेस्ट्रोलका बिरामी
• मुटु रोगबाट पीडित
• मधुमेहका बिरामी
• धेरै मोटा मानिसलाई
• अस्वस्थ जीवनशैली भएकालाई
• धेरै धुमपान र मदिरा सेवन गर्ने
• उच्च रक्तचापका बिरामीहरूलाई

जाडोमा मुटु आक्रमणबाट बच्न के गर्ने ?

• चिसोमा बाहिर हिँड्नबाट बच्ने
• घरमा वा जिममा व्यायाम गर्ने
• ऊनी वा न्यानो कपडा लगाउने
• शरीरलाई न्यानो राख्ने खाना खाने
• तातो पानी पिउने र तातो पानीले नुहाउने
• तेलीय पदार्थहरू नखाने
• धुमपान–मदिराबाट टाढा रहने

यी उपायहरू अपनाएर तपाईं जाडोमा हुने मुटुका समस्याबाट बच्न सक्नुहुन्छ ।