केएनपी नेरोलेकद्वारा सडक सुरक्षामा सहयोग

काठमाडौं । केएनपी नेरोलेक पेन्ट्सले काठमाडौंको फर्पिङमा ट्राफिक प्रभागलाई सडक सुरक्षाको लागी चाहिने आवश्यक सामग्री प्रदान गरेको छ ।

सडक दुर्घटनाहरू बढ्दै जाँदा, नेरोलेकले नो हर्न प्लीज, नो स्टपिङ, स्पीड लिमिट र नो पार्किङजस्ता महत्वपूर्ण सडक साइनबोर्डहरू प्रदान गरेको छ ।

यी साइनबोर्डहरूले ट्राफिक उल्लंघनका घटनाहरू घटाउनका साथै पैदलयात्री र चालकहरूको सुरक्षामा महत्त्वपूर्ण भूमिका खेल्ने कम्पनीको विश्वास छ ।

जापानको सर्वोत्कृष्ट पेन्ट कम्पनि केएनपी नेरोलेकले समाजको भलाइमा योगदान पुर्‍याउन नयाँ लक्ष्य राखेको छ। सडक सुरक्षा सुनिश्चित गर्न अनि यात्री र चालकहरूको लागि सुरक्षित सडक सुनिश्चित गर्न निरन्तर प्रतिबद्ध रहेको केएनपी नेरोलेकले जनाएको छ ।