पहिलो दिन मधेसविरुद्ध पुलिसलाई ४५ रनको अग्रता, भूर्तेलको अर्धशतक

काठमाडौं । जय ट्रफी एलिट कप क्रिकेटमा मधेस प्रदेशविरुद्धको पहिलो दिनको खेल सकिँदामा नेपाल पुलिस क्लबले १७४ रन बनाएको छ ।

वीरगञ्जस्थित नारायणी क्रिकेट मैदानमा भएको खेलमा पुलिसले ४० ओभरमा ३ विकेटको क्षतिमा १७४ रन बनाएको हो । यससँगै पुलिसले ४५ रनको अग्रता लिएको छ ।

पुलिसका लागि कुशल भूर्तेलले अर्धशतकीय पारी खेले । कुशलले ६८ बलमा १० चौका प्रहार गरेर ६३ रन बनाए । दिलिप नाथले ४० र गुल्शन झाले २० रन बनाए ।

अमित श्रेष्ठ र कप्तान आरिफ शेख क्रमश: ३४ र १३ रनमा अविजित छन् ।

मधेसका लागि हरिशंकर शाहले २ तथा अभिषेक तिवारीले १ विकेट लिए ।

यसअघि मधेस ४२.४ ओभरमा १२९ रनमा अलआउट भएको थियो ।

पहिलो इनिङ्समा मधेस १२९ रनमा अलआउट, गुल्शनको फाइफर