सल्यानको बनगाडमा दुई दिदीबहिनी मृत फेला

सुर्खेत । सल्यानमा दुई बालिकाहरू आफ्नै घरभित्र मृत अवस्थामा फेला परेका छन् । बनगाड कुपिण्डे नगरपालिका-११ मा बुधबार बिहान टेकमान राना र पूर्णिमा रानाका ३ वर्षीया छोरी करिष्मा र ६ महिनाकी राघवी मृत अवस्थामा फेला परेका हुन् ।

मृतक दुवै बालिकाको घाँटीमा निलडाम देखिएको जिल्ला प्रहरी कार्यालय सल्यानले जनाएको छ । उनीहरूको मृत्युको कारण शंकास्पद रहेको छ ।

उनीहरुको कुनै पनि स्वास्थ्य समस्या नभएको र शवको अवस्था हेर्दा हत्या भएको हुनसक्ने जिल्ला प्रहरी कार्यालय सल्यानका प्रमुख एवम् प्रहरी नायब उपरीक्षक केशर न्यौपानेले बताए ।

मृतक बालिकाका पिता टेकमान राना रोजगारीको सिलसिलामा नुवाकोटमा रहेका छन् । घटनाको थप अनुसन्धान भइरहेको प्रहरीले जनाएको छ ।