दिदी बहिनी मृत्यु प्रकरणमा आमा पक्राउ

सल्यान । सल्यानमा दिदीबहिनी नै घरभित्र मृत अवस्थामा भेटिएको घटनामा प्रहरीले आमालाई नियन्त्रणमा लिएको छ ।

कुपिण्डे नगरपालिका–११, सिस्नेपातल भन्ने गाउँकी ३ वर्षीय करिष्मा राना र उनकी ६ महिनाकी बहिनी राघवी राना मृत फेला परेपछि हत्या आशंकामा उनीहरुकै आमा २६ वर्षीया पूर्णिमा रानामगरलाई प्रहरीले नियन्त्रणमा लिएको हो ।

स्वास्थ्यमा कुनै समस्या नरहेका उनीहरु मृत अवस्थामा फेला परेपछि आमाबाटनै घटना घटेको हुनसक्ने आशंकाले प्रहरीले २६ वर्षीया पूर्णिमा रानामगरलाई पक्राउ गरेको जिल्ला प्रहरी कार्यालय सल्यानले जनाएको छ ।

उनीहरुका बाबु टेकमान राना रोजगारीका सिलसिलामा नुवाकोटमा रहेको र घरमा छोरीहरुसँग आमा पुर्णिमा मात्रै रहेको बताइएको छ ।