रुसलाई युद्धमा सघाउन आएका दुई उत्तर कोरियाली सैनिक युक्रेनको हिरासतमा

काठमाडौं । युक्रेनले रुसलाई युद्धमा सघाउन आएका दुईजना उत्तर कोरियाली सैनिक पक्राउ परेको जनाएको छ ।

राष्ट्रपति भ्लोदिमिर जेलेन्स्कीले शनिबार युक्रेनी सेनाले दुई घाइते उत्तर कोरियाली सैनिकलाई रुसको कुस्र्क क्षेत्रमा युद्धबन्दीको रूपमा कब्जा गरेको दाबी गरेका छन् ।

जेलेन्स्कीका अनुसार घाइते रहेका दुवै सैनिकलाई आवश्यक चिकित्सा सहायता दिएर राखिएको छ । उनीहरू दुवैलाई राजधानी किभस्थित युक्रेनको सुरक्षा सेवा (एसबीयू)को हिरासतमा राखिएको छ । सार्वजनिक गरिएको तस्वीरमा दुवै सैनिकलाई चोट लागेको देख्न सकिन्छ ।

युक्रेनी राष्ट्रपतिले उत्तर कोरियाली सैनिकलाई पक्रन युक्रेनी प्याराट्रूपर्स र स्पेसल अपरेसन फोर्सका सिपाहीहरूप्रति कृतज्ञता व्यक्त गरेका छन् ।

यो सजिलो काम भने नभएको उनले बताएको बीबीसीको समाचारमा उल्लेख छ ।

‘युक्रेनविरुद्धको युद्धमा उत्तर कोरियाको संलग्नताको प्रमाण मेटाउन रुसी र उत्तर कोरियाली सेनाले घाइते उत्तर कोरियालीहरूलाई सामान्यतया मृत्युदण्ड दिने गर्छन्,’ जेलेन्स्कीले दाबी गरे ।

युक्रेनको खुफिया सेवाले एक विज्ञप्तिमा उत्तर कोरियाली सैनिकहरूलाई जनवरी ९ मा पक्राउ गरिएको जनाइएको छ । ‘पक्राउ गरिएका उनीहरूलाई तुरुन्तै जेनेभा महासन्धिअन्तर्गत तोकिएको आवश्यक चिकित्सा हेरचाह प्रदान गरिएको थियो,’ विज्ञप्तिमा भनिएको छ, ‘त्यसपछि उनीहरूलाई किभ ल्याइयो