रवि लामिछाने फेरि प्रहरीको नियन्त्रणमा

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई प्रहरीले नियन्त्रणमा लिएको छ ।

आइतबार काठमाडौं जिल्ला अदालतका न्यायाधीश माधवप्रसाद अधिकारीको इजलासले लामिछानेविरुद्धको मुद्दामा बहस नसकिएपछि प्रहरीको जिम्मा लगाउन आदेश दिएको थियो ।

सोहीअनुसार प्रहरीले लामिछानेलाई नियन्त्रणमा लिएको हो । उनलाई हिरासतमा राखिनेछ ।

कालीमाटीस्थित स्वर्णलक्ष्मी बहुउद्देश्यीय सहकारीको रकम अपचलन गरेको कसुरमा अभियोग पत्र दायर भएपछि लामिछाने आज (आइतबार) आफैँ अदालतमा हाजिर भएका थिए ।

बहसलाई सोमबार निरन्तरता दिइने अदालतले जनाएको छ ।

सहकारी ठगीको अनुसन्धानका लागि गत कात्तिक २ गते पक्राउ परेका लामिछाने बिहीबार ६५ लाख रुपैयाँ धरौटीमा रिहा भएका थिए ।

रवि लामिछानेलाई प्रहरीको जिम्मा लगाइयो