आर्मीको ब्याटिङ नचल्दा जय ट्रफीको उपाधि पुलिसलाई

काठमाडौं । नेपाल पुलिस क्लबले जय ट्रफी एलिट कप क्रिकेटको उपाधि जितेको छ ।

वीरगंजस्थित नारायणी क्रिकेट मैदानमा बिहीबार सम्पन्न भएको फाइनल खेलको दोस्रो इनिङ्समा पुलिसले त्रिभुवन आर्मी क्लबलाई २८ रनले पराजित गर्दै उपाधि जितेको हो ।

पुलिसको बलिङसामु आर्मीका ब्याटर चल्न सकेनन् ।

१०३ रनको सामन्य लक्ष्य पछ्याएको आर्मी २९.२ ओभरमा ७४ रनमा अलआउट भयो । आर्मीका लागि इमरान शेखले २८ तथा कप्तान विनोद भण्डारी र सोमपाल कामीले ११–११ रन बनाए । अन्य खेलाडीले दोहोरो अंक छुन सकेनन् ।

आर्मीका लागि सागर ढकालले ६ र ललित राजवंशीले ४ विकेट लिए । सागरले १४.२ ओभरमा ३५ रन खर्चेर ६ विकेट लिए । सो क्रममा उनले १ मेडन फाले ।

ललितले १५ ओभरमा ३९ रन खर्चेर ६ विकेट लिए । सो क्रममा उनले २ मेडन लिए ।

यसअघि, आर्मीले आफ्नो दोस्रो इनिङ्समा पुलिस १३९ रनमा अलआउट भएको थियो ।