रञ्जुको अर्धशतकमा लुम्बिनीले कर्णालीलाई दियो १२७ रनको लक्ष्य

काठमाडौं । महिला प्रधानमन्त्री कपमा लुम्निबी प्रदेशलले कर्णली प्रदेशलाई १२७ रनको लक्ष्य दिएको छ ।

धनगढीस्थित फाप्ला क्रिकेट मैदानमा जारी खेलमा लुम्बिनीले पूरै २० ओभर खेलेर ८ विकेटको क्षतिमा १२६ रन बनाएको हो ।

लुम्बिनीका लागि रञ्जु श्रेष्ठले अर्धशतकीय पारी खेलिन् । रञ्जु ५१ रनमा अविजित रहिन् । उनले ५९ बलमा २ चौका प्रहार गरिन् । उनले ५५ बलमा २ चौका प्रहार गर्दै ५० रन पूरा गरिन् । अन्य खेलाडीले दोहोरो अंक छुन सकेनन् ।

कर्णालीका लागि अन्जु गुरुङले ३, रमा बुढाथोकीले २, तथा रश्मी खड्का र दिक्षा पूरीले १–१ विकेट लिए ।