झापामा बोलेरो र अटो एकापसमा ठोक्किँदा एक महिलाको मृत्यु

झापा, ७ माघ । झापाको बुद्धशान्ति–४ स्थित हापेन चोकमा आज बिहान बोलेरो र अटो एक आपसमा ठोक्किँदा भएको सवारी दुर्घटनामा एक महिलाको घटनास्थलमै मृत्यु भएको छ। मृत्यु हुनेमा बुद्धशान्ति–४ की २७ वर्षीया अमृता तामाङ रहेका छन् ।

बुधबारेबाट इलाम जाँदै गरेको प्र १–०१–००१ ज ३८५१ नम्बरको बोलेरो र विपरीत दिशाबाट आएको प्र १–०१–००२ ह ३६३ नम्बरको अटो ठोक्किँदा दुर्घटना भएको हो । दुर्घटनामा अटो सवार २१ वर्षीया कृतिका तामाङ र ४१ वर्षीया मञ्जु तामाङ सामान्य घाइते भएका छन् । उनीहरूको उपचार भइरहेको छ। बोलेरोका चालक मेचीनगर–१२ निवासी ४० वर्षीय दिलकुमार थामी पनि उपचारमा रहेका छन् ।

यसैगरी, अटो चालक बुद्धशान्ति–४, जोरलाबरका ५३ वर्षीय सेवारो साइँला (स्थानीयले चिनेको नाम) इलाका प्रहरी कार्यालय बुधबारेको नियन्त्रणमा रहेका छन् । दुर्घटनाबारे थप अनुसन्धान भइरहेको प्रहरीले जनाएको छ ।

The post झापामा बोलेरो र अटो एकापसमा ठोक्किँदा एक महिलाको मृत्यु appeared first on Jhapa Online.