आर्मीले कोशीलाई ९ विकेटले हरायो

काठमाडौं । महिला प्रधानमन्त्री कपमा त्रिभुवन आर्मी क्लबले कोशी प्रदेशलाई ९ विकेटले पराजित गरेको छ ।

धनगढीस्थित फाप्ला क्रिकेट मैदानमा भएको खेलमा ३७ रनको लक्ष्य आर्मीले ६.२ ओभरमा १ विकेटको क्षतिमा पूरा गरेको हो ।

आर्मीका लागि सम्झना खड्का ३२ रनमा अविजित रहिन् । अन्जली विश्वकर्माले ६ रन बनाउँदा रुबी पाद्दार १ रनमा अविजित रहिन् ।

यसअघि कोशी निर्धारित ७ ओभरमा ५ विकेटको क्षतिमा ३६ रन बनाएर अलआउट भएको थियो ।

कोशीका लागि सृम्ती कटुवालले १४ रन बनाइन् । अन्य खेलाडीले दोहोरो अङ्कको रन बनाउन सकेनन् ।

आर्मीका लागि मनिषा चौधरीले ३ तथा सुस्मिता भुसालले २ विकेट लिइन् ।

खराब मौसमका कारण खेललाई ७ ओभरमा घटाइएको हो ।