पाथीभरा केबुलकार निर्माणका समर्थकलाई धरानमा दुर्व्यवहार

काठामाडौं । ताप्लेजुङस्थित पाथीभारामा केबलकार निर्माणको समर्थन गर्ने एक व्यक्तिमाथि धरानमा दुर्व्यवहार भएको छ ।

पाथीभरा केबलकार निर्माणको समर्थन गर्ने एक व्यक्तिमाथि धरान ९ स्थित होटेलमा कालोमोसो दलिएको हो ।

ताप्लेजुङको पाथीभरामा प्रस्तावित केबुलकार निर्माणको विरोधमा रहेको समूहले समर्थन गरेका पदम चेन्जी माबोलाई कालोमोसो दलेको हो । पीडित चेन्जी याक्थुङ चुम्लुङको कार्यक्रमका लागि ताप्लेजुङबाट धरान आएका थिए ।

अहिले उनलाई थप सुरक्षाका लागि इलाका प्रहरी कार्यालय धरान लगिएको छ । केबुलकारको पक्षमा सामाजिक सञ्जालमा लेखेको भन्दै पदमलाई मोसो दलेको प्रत्यक्षदर्शी स्थानीय पत्रकार संजिता धमलाले बताइन ।

पदममाथि सामाजिक सञ्जालमा केबुलकार विरोधीहरूलाई गाली गरेको आरोप केबुलकारको विरोधी समूहले लगाएका छ ।