एकीकृत समाजवादीले अध्यादेशको विपक्षमा मतदान गर्ने
काठमाडौं । नेकपा एकीकृत समाजवादीले सरकारले ल्याएको ६ अध्यादेशमा विपक्षमा मतदान गर्ने निर्णय गरेको छ । पार्टीको मङ्गलबार बसेको स्थायी कमिटी बैठकले सरकारले ल्याएका अध्यादेश भूमाफिया, कालोबजारीया, राजस्व छली गर्ने व्यक्ति, विचौलिया, भ्रष्टचारी, तस्कर र दलालहरूलाई फाइदा पुग्ने निष्कर्ष निकालेको हो । संसद् छलेर अध्यादेश ल्याएको र त्यसको अन्तरवस्तुमा एकीकृत समाजवादीको असहमति रहेकाले विपक्षमा मतदान […]

काठमाडौं । नेकपा एकीकृत समाजवादीले सरकारले ल्याएको ६ अध्यादेशमा विपक्षमा मतदान गर्ने निर्णय गरेको छ ।
पार्टीको मङ्गलबार बसेको स्थायी कमिटी बैठकले सरकारले ल्याएका अध्यादेश भूमाफिया, कालोबजारीया, राजस्व छली गर्ने व्यक्ति, विचौलिया, भ्रष्टचारी, तस्कर र दलालहरूलाई फाइदा पुग्ने निष्कर्ष निकालेको हो ।
संसद् छलेर अध्यादेश ल्याएको र त्यसको अन्तरवस्तुमा एकीकृत समाजवादीको असहमति रहेकाले विपक्षमा मतदान गर्ने निर्णय गरेको पार्टीका प्रचार विभाग प्रमुख प्रकाश ज्वालाले बताए ।
“अध्यादेशहरूबाट भूमाफिया, कालोबजारीया, राजस्व छली गर्ने व्यक्ति, विचौलिया, भ्रष्टचारी, तस्कर र दलालहरूलाई फाइदा पुग्ने निष्कर्षसहित अध्यादेशको प्रक्रिया र अन्तरवस्तु दुवैमा हाम्रो पार्टीको असहमति र विरोध छ । त्यसैले हाम्रो पार्टीले संसद्मा अध्यादेशहरूको विपक्षमा मतदान गर्ने निर्णय गरेको छ,” उनले भने ।
बैठकले पोखरा भ्रमण वर्ष उद्घाटनका क्रममा बेलुन विस्फोटमा घाइत भएका उपप्रधान तथा अर्थमन्त्री विष्णु पौडेल, पोखरा महानगरपालिकाका मेयर धनराज आचार्यको स्वास्थ्यलाभको कामना गरेको छ ।
यस्तै, भारतको कलिङ्गा इन्स्टिट्युट अफ टेक्नोलोजीमा नेपाली विद्यार्थीहरूमाथि भएको धरपकडको विरोध गरेको छ । साथै, मृत फेला परेकी प्रकृति लम्सालको मृत्युप्रति गम्भीर ध्यानाकर्षण जनाएको छ ।
घटनामा संलग्नलाई कारबाही तथा नेपाली विद्यार्थीहरूको सुरक्षा प्रत्याभूतिका लागि पहल गर्न एकीकृत समाजवादीले सरकारको ध्यानाकर्षण गराएको छ ।
What's Your Reaction?






