गोविन्दा र सुनिताको सम्बन्धविच्छेद हुँदै !

काठमाडौं । भारतीय अभिनेता गोविन्दा र उनकी श्रीमती सुनिता आहुजाको वैवाहिक जीवनमा सबै ठीकठाक छैन ।

मिडिया रिपोर्टकाअनुसार गोविन्दा विवाहेत्तर सम्बन्धमा छन्, जसका कारण ३७ वर्षको वैवाहिक जीवनपछि यो जोडी अब सम्बन्धविच्छेद गर्न गइरहेको छ । यद्यपि, यस विषयमा दुवै पक्षबाट अहिलेसम्म कुनै आधिकारिक बयान जारी आएको छैन ।

जुमटीभीकाअनुसार गोविन्दाको ३० वर्षीया मराठी अभिनेत्रीसँग वैवाहिक सम्बन्ध बढेको छ । यसैबीच दम्पतीको सम्बन्धविच्छेद प्रक्रिया अन्तिम चरणमा छ ।

यदि गोविन्दा र सुनिताले सम्बन्ध विच्छेद गरे भने यसलाई ग्रे डिभोर्स भनिनेछ । जब कुनै जोडी २५ देखि ४० वर्षसँगै बसेपछि सम्बन्ध विच्छेद हुन्छ, त्यसलाई ग्रे डिभोर्स भनिन्छ । यिनीहरूलाई सिल्भर स्प्लिटर पनि भनिन्छ ।

अमेरिका र युरोपमा यो शब्दको लोकप्रियता छ, तर अब भारतमा पनि यसको चर्चा तीव्र गतिमा भइरहेको छ ।

सुनिता आहुजाले हालै हिन्दी रशसँगको कुराकानीमा आफू र गोविन्दा छुट्टाछुट्टै घरमा बस्ने कुरा खुलासा गरेकी थिइन् । उनले भनेकी थिइन्, “हाम्रो दुई वटा घर छ । म र बच्चाहरू एउटा फ्ल्याटमा बस्छौँ, जबकि गोविन्द अर्को फ्ल्याटमा बस्छन् ।”

सुनिताले गोविन्द आफ्नो बैठकका कारण ढिलो आउने र अरुसँग कुरा गर्न मन पराउने भएकोले त्यहीँ बस्ने कुरा पनि खुलासा गरिन् ।

सुनिता र गोविन्द केही भेटघाटपछि नै दुवै जना एकअर्कासँग प्रेममा परेका थिए । एकदिन पार्टीबाट फर्कने क्रममा गोविन्दको हातले गल्तिले सुनिताको हात छोयो । तर, दुवैले आफ्नो हात हटाएनन् र यसरी दुवैले एकअर्काको प्रेममा सहमति जनाए । केही समय प्रेम सम्बन्धमा रहेपछि गोविन्द र सुनिताले ११ डिसेम्बर १९८७ मा विवाह गरेका थिए ।

नीलम कोठारीसँग विवाह गर्न चाहन्थे गोविन्द

९० को दशकमा गोविन्द र नीलम कोठारीको अफेयर निकै चर्चामा थियो । दुवै जना धेरै फिल्ममा सँगै देखिएका थिए । तर, एक अन्तर्वार्तामा नीलमले अफेयरको खबर केवल अफवाह मात्र भएको बताएकी थिइन् । यसैबीच गोविन्दाको अन्तर्वार्ता हेडलाइनमा आयो, जसमा उनले नीलमसँगको आफ्नो सम्बन्ध स्वीकार गरेका थिए ।

१९९० मा स्टारडस्ट पत्रिकालाई दिएको एक अन्तर्वार्तामा गोविन्दाले भनेका थिए, “जब म फिल्ममा व्यस्त भएँ, त्यसको असर मेरो र सुनिताको सम्बन्धमा पर्‍यो । सुनिताले असुरक्षित र ईर्ष्यालु महसुस गर्न थालिन् । उनी मलाई दुःख दिन्थिन् र म रिसाउन्थेँ । हामीबीच निरन्तर झगडा हुन्थ्यो । यस्तै एउटा झगडामा सुनिताले नीलमको बारेमा केही भनिन् र म रिसले चुर भएँ । मैले सुनितासँगको सम्बन्ध अन्त्य गरेँ । मैले सुनितालाई मलाई छोड्न भनेँ र उनीसँगको मेरो इन्गेजमेन्ट तोडेँ । झगडा भएको ५ दिनपछि सुनिताले मलाई फोन नगरेको भए, म नीलमसँग विवाह गर्थें ।”