एक करोडसम्म तिरेर पुगे, हत्कडी र चेनमा बाँधिएर फर्किए अमेरिकाबाट आठ जना

झापा, २२ फागुन । अमेरिकाबाट बुधबार डिपोर्ट भएर काठमाडौँ ल्याइएका आठ जना नेपालीलाई अध्यागमनले आवश्यक अनुसन्धानका लागि नेपाल प्रहरीको जिम्मा लगाएको छ । डिपोर्ट हुनेमा १ महिला र ७ पुरुष रहेको पुष्टि भएको छ ।

डिपोर्ट हुनेहरूमा शुष्मा, लक्ष्मण, सुकुमार, हिमाल, मोहन, टोपबहादुर, कमल प्रकाश र तीर्थ बहादुर नामका छन् । उनीहरुको थप पहिचान खुलाइएको छैन । बुधवार बिहान अमेरिकी जहाजमार्फत उनीहरू सबैलाई काठमाडौँ ल्याइएको थियो ।

उनीहरूलाई गाडीमा राखेर मानव बेचबिखन ब्युरोमा लगिएको छ । त्यहाँ उनीहरूसँग प्रहरीले आवश्यक सोधपुछ गरेपछि मात्रै छाड्ने बताइएको छ ।

उनीहरू लाखौँ खर्चेर अमेरिका पुगेका थिए । काठमाडौँबाट दुबई हुँदै युरोप पुगेका उनीहरू ब्राजिल पुगेर मेक्सिको पुगेका थिए । उनीहरू मेक्सिकोबाट सिमानाका पार गरेर अमेरिका पुगेका हुन् । उनीहरूले प्रतिव्यक्ति ५० लाखदेखि १ करोडसम्म खर्च गरेका छन् । कसैले ४० लाख, कसैले ६५ लाख पनि खर्च गरेको प्रहरीको प्रारम्भिक अनुसन्धानबाट देखिएको छ ।

The post एक करोडसम्म तिरेर पुगे, हत्कडी र चेनमा बाँधिएर फर्किए अमेरिकाबाट आठ जना appeared first on Jhapa Online.