समाजवादीका नेता गिरी स्याङ्जामा पक्राउ

स्याङ्जा ।

जबरजस्ती करणी मुद्दाका फरार नेकपा एकीकृत समाजवादीका नेता विष्णु गरी पक्राउ पर्नुभएको छ ।

जबरजस्ती मुद्दामा फरार स्याङ्जाको पुतलीबजार नगरपालिका – १४ का विष्णु गिरीलाई प्रहरीले स्याङ्जाबाट पक्राउ गरेको हो । गिरीलाई स्याङ्जाबाट पोखरा लगिएको छ । नेकपा एकिकृत समाजवादी पार्टी, गण्डकी प्रदेशका उपाध्यक्ष र स्याङ्जा जिल्लाका अध्यक्षसमेत रहेका गिरीलाई नाबालिकलाई करणी गरेको आरोप छ ।

फरार रहेका गिरीलाई जिल्ला प्रहरी कार्यालय कास्कीले खोजतलास गर्नका लागि पत्राचार गरेकोमा स्याङ्जा प्रहरीले गिरीलाई उहाँकै घरबाट पक्राउ गरी कास्की प्रहरीलाई जिम्मा लगाइएको स्याङ्जा प्रहरीका प्रवक्ता एवं सूचना अधिकारी प्रहरी नायब उपरीक्षक हरिप्रसाद पौडेलले जानकारी दिनुभयो ।

पक्राउ पर्नुभएका गिरीलाई जिल्ला प्रहरी कार्यालय कास्कीमा जबरजस्ती करणी मुद्धामा ६ दिनको म्याद थप गरी आवश्यक अनुसन्धान भइरहेको जनाइएको छ ।