फूल बिक्री गरेरै मासिक दुई लाख आम्दानी

काठमाडौँ । तनहुँको आँबुखैरेनी गाउँपालिका-३ की २५ वर्षीया सरिश्मा गुरुङले विसं २०७७ मा रु तीन हजार पाँच सय लगानी गरेर फूलको व्यापार सुरु गरेकी छिन् । फूलको व्यापार विस्तार गर्दै गुरुङले सभा-सेमिनार, पास्नी, विवाहलगायतका उत्सवको सजावट गर्दै आएकी छिन । हाल मासिक रु दुई लाख आम्दानी लिने गरेको गुरुङले बताइन् । गुरुङका अनुसार राम्रो कार्यक्रम […]

HamroGlobalMedia

Mar 17, 2025 - 02:47

काठमाडौँ । तनहुँको आँबुखैरेनी गाउँपालिका-३ की २५ वर्षीया सरिश्मा गुरुङले विसं २०७७ मा रु तीन हजार पाँच सय लगानी गरेर फूलको व्यापार सुरु गरेकी छिन् ।

फूलको व्यापार विस्तार गर्दै गुरुङले सभा-सेमिनार, पास्नी, विवाहलगायतका उत्सवको सजावट गर्दै आएकी छिन । हाल मासिक रु दुई लाख आम्दानी लिने गरेको गुरुङले बताइन् ।

गुरुङका अनुसार राम्रो कार्यक्रम भएमा सिजनमा महिनामै रु २० लाखसम्मको कारोबार हुन्छ । अन्य समयमा मासिक रु आठ/नौ लाखसम्म कारोबार हुने गरेको छ । खर्च कटाएर मासिक करिब रु दुई लाख बचत हुने उनले बताइन् ।

‘पोखरा र काठमाडौँमा काम भइरहेको छ । ग्राहकलाई थप सहजता दिन काठमाडौँमा नयाँ शाखा खोल्ने तयारी गरेका छौँ ।’, गुरुङले भनिन् । अब फूल व्यवसायलाई अझ व्यवस्थित बनाउन नर्सरी स्थापना गर्ने तयारी गरेको उनले जानकारी दिइन् । ‘व्यवसाय विस्तारका लागि जग्गा खोजी भइरहेको छ, फूल तथा बिरुवा उत्पादन र बिक्री अझ प्रभावकारी बनाउनेछौँ ।’, उनले भनिन् ।

फूल बिक्री गरेरै मासिक दुई लाख आम्दानी

Tags:

What's Your Reaction?

Related Posts

Follow Us

What's Trending

You may also like