दक्षिण कोरिया : अदालतले पुनर्बहाली गर्‍यो महाभियोग लागेका कार्यवाहक राष्ट्रपति सुलाई

काठमाडौं । दक्षिण कोरियाको संवैधानिक अदालतले कार्यवाहक राष्ट्रपति हान डक सुलाई पदमा पुनर्बहाली गरेको छ ।

सुलाई अदालतले सोमबार पदमा फर्काएको हो । गत डिसेम्बरमा देशमा मार्शल ल लागू गर्ने प्रयास गरेपछि दक्षिण कोरियाका राष्ट्रपति युन सुक योललाई संसद्‌ले महाभियोग लगाएको थियो ।

त्यसपछि त्यतिबेला प्रधानमन्त्री रहेका सु कार्यवाहक राष्ट्रपति बनेका थिए । देशमा महिनौंदेखि जारी राजनीतिक उथलपुथलको बीचमा आएको यो फैसलाले हानलाई सत्तामा फर्काएको हो ।

युनको मार्शल ल घोषणापछि हान सुरुमा दुई हप्ताभन्दा कम समय पदमा टिकेका थिए । संवैधानिक अदालतमा थप तीन न्यायाधीश नियुक्त गर्न अस्वीकार गरेर विपक्षी नेतृत्वको संसदसँग भिडन्त गरेपछि डिसेम्बर २७ मा महाभियोग लगाइएको थियो र निलम्बन गरिएको थियो ।

सोमबार अदालतका न्यायाधीशहरूले महाभियोग खारेज गर्न सात-एक मतले फैसला सुनाए । आठ न्यायाधीशमध्ये पाँचले महाभियोग प्रस्ताव वैध भएको बताए, तर हानले संविधान वा कानुनको उल्लङ्घन नगरेकोले उनलाई महाभियोग लगाउन पर्याप्त आधार नभएको अदालतको विज्ञप्तिमा उल्लेख छ ।

संसद्‌का दुई तिहाइ सांसदहरूले पारित नगरेको कारण दुई न्यायाधीशले त्यतिबेला कार्यवाहक राष्ट्रपति रहेका हानविरुद्धको महाभियोग प्रस्ताव सुरुदेखि नै अमान्य भएको मत राखे । एक न्यायाधीशले हानलाई महाभियोग लगाउने पक्षमा मतदान गरे ।

पुनर्बहालीपछि सुले अमेरिकी व्यापार युद्धमार्फत एसियाको चौथो ठूलो अर्थतन्त्रलाई अगाडि बढाउने वाचा गरेका छन् ।

“मलाई विश्वास छ कि जनताले एक स्वरमा यो कुरा स्पष्ट पारिरहेका छन् – राजनीतिमा चरम टकराव बन्द हुनुपर्छ, जसले अदालतलाई यसको बुद्धिमानी निर्णयको लागि र मन्त्रिपरिषद्लाई निलम्बन गरिएको बेलाको कडा परिश्रमको लागि धन्यवाद दिन्छु । कार्यवाहक राष्ट्रपतिको रूपमा म स्थिर राज्य प्रशासन कायम राख्न सक्दो प्रयास गर्नेछु र व्यापार युद्धमा राष्ट्रिय हितको रक्षा गर्न सबै बुद्धि र क्षमताहरू समर्पित गर्नेछु,” सुले भने ।

उनले राष्ट्रपति युन सुक येओलबाट कार्यवाहक नेताको पदभार ग्रहण गरेका छन् ।