प्रमुख प्रशासकीय अधिकृतले हाजिर गरेपछि प्रवक्ताले भने : अब महानगर नियमित हिसाबले चल्छ
काठमाडौं । काठमाडौं महानगरपालिकाका प्रवक्ता नवीन मानन्धरले अब महानगर कार्यालय नियमित हिसाबले चल्ने बताएका छन् । प्रमुख प्रशासकीय अधिकृत सरोज गुरागाईंले कार्यालयमा आएर हाजिर गरेसँगै प्रवक्ताको यस्तो प्रतिक्रिया आएको हो । ‘प्रमुख प्रशासकीय अधिकृत आज आउनु भयो । हाजिर गर्नु भयो । अब कार्यलय नियमित हिसाबले चल्छ । भोलिदेखि सबै समस्या समाधान हुँदै जानेछन्,’ सञ्चारकर्मीसँग […]
काठमाडौं । काठमाडौं महानगरपालिकाका प्रवक्ता नवीन मानन्धरले अब महानगर कार्यालय नियमित हिसाबले चल्ने बताएका छन् ।
प्रमुख प्रशासकीय अधिकृत सरोज गुरागाईंले कार्यालयमा आएर हाजिर गरेसँगै प्रवक्ताको यस्तो प्रतिक्रिया आएको हो ।
‘प्रमुख प्रशासकीय अधिकृत आज आउनु भयो । हाजिर गर्नु भयो । अब कार्यलय नियमित हिसाबले चल्छ । भोलिदेखि सबै समस्या समाधान हुँदै जानेछन्,’ सञ्चारकर्मीसँग कुरा गर्दै उनले भने ।
यसअघि काठमाडौं महानगरका प्रमुख प्रशासकीय अधिृकत गुरागाईं मेयर बालेन शाह पक्षले रोक्दारोक्दै कार्यकक्षमा प्रवेश गरेका थिए ।
उनी बिहीबार दिउँसो ढोका फुटाएर कार्यकक्षमा छिरेका हुन् ।
हाजिर गर्न कार्यालय पुगेका गुरागाईंलाई रोक्न महानगर प्रहरीसमेत खटाइएको थियो । तर, कर्मचारीले नगर प्रहरीलाई रोक्दै कार्यालयमा प्रवेश गराएका हुन् । ताला तोड्ने क्रममा ढोकाको सिसा फुटेको थियो ।
काठमाडौं टावरको नक्सा पासमा अनियमितता गरेको भन्दै मेयर शाहले गुरागाईंलाई अघोषित निलम्बनमा राखेका थिए । गत पुस ५ गतेदेखि गुरागाईंलाई बिदामा राखिएको थियो ।
महानगर मेयर शाहलाई ‘बाइपास’ गर्दै उपप्रमुख सुनीता डङ्गोल, वडाध्यक्ष र प्रमुख प्रशासकीय अधिकृतसहित विभागीय प्रमुखहरूको बैठक बसेको थियो ।
What's Your Reaction?
