कञ्‍चनजङ्घा हिमाल आरोहण अभियानको फ्लगअफ सेरेमोनी सम्पन्न

काठमाडौँ।

नेपाली सेना र भारतीय सेनाको संयुक्त सहभागितामा सन् २०२५ को अप्रिल/मे महिनामा हुने कञ्‍चनजङ्घा हिमाल आरोहण अभियानको आज (बिहीबार ) मित्रराष्ट्र भारतको नयाँ दिल्ली स्थित इन्टरग्रेटेड एचकियू एमओंडी साउथ ब्लाकमा फ्लगअफ सेरेमोनी सम्पन्न भएको छ ।

भारतका रक्षा मन्त्री राजनाथ सिंहले दुवै पक्षका टिमलिडरलाई संयुक्त रूपमा झण्डा हस्तान्तरण गरेको उक्त कार्यक्रममा नेपाली सेनाको तर्फबाट सैनिक तालिम महानिर्देशक उपरथी ध्रुव प्रकाश शाह उपस्थित भएका थिए । यस संयुक्त हिमाल आरोहण अभियानको फ्लगअफ सेरेमोनी काठमाडौँमा सञ्चालन हुने कार्यक्रम रहेको नेपाली सेनाले जनाएको छ।

समारोहमा भारतका रक्षा प्रमुख जनरल अनिल चौहान, स्थल सेनाध्यक्ष जनरल उपेन्द्र द्विवेदी लगायत भारतका लागि नेपालका महामहिम राजदूत डा. शंकर प्रसाद शर्मा तथा सैनिक सहचारीको समेत उपस्थिति रहेको थियो ।