शिवसताक्षीमा मेयर कपः वडा नं. १० ले फुटबल र वडा नं. ७ उचाल्यो भलिबलको उपाधि

शिवसताक्षी, २९ चैत । झापाको शिवसताक्षीमा जारी मेयर कप २०८१ को फुटबलतर्फको उपाधि वडा नं. १० ले उचालेको छ ।

वडा नं. ७ लाई ट्राइबेकरमा हराउँदै वडा नं. १० ले उपाधि उचालेको हो । ट्राइबेकरमा वडा नं. १० ले ३–४ गोल अन्तरले वडा नं. ७ लाई हराएको छ । उपाधि जितेसँगै वडा नं. १० ले नगद ५५ हजार र उपविजेता वडा नं. ७ ले नगद ३५ हजारसहित ट्रफी, मेडल, प्रमाण पत्र प्राप्त गरेको छ । उनीहरुलाई नगर प्रमुख मेगाहाङ्ग थोप्राले पुरस्कार प्रदान गर्नुभयो ।

खेलको म्यान आफ दी म्याच र वेष्ट गोलकिक्पर वडा नं. १० गोल किप्पर सुदिप मर्डी घोषित भए । वेष्ट डिफेन्डर वडा नं. ७ खेलाडी रोजिन कार्की, वेष्ट मिटफिल्डर वडा नं. १० खेलाडी सिमन राई, वेष्ट फरवार्ड वडा नं. १० का खेलाडी ओक्साहाङ्ग लिम्बु, हाइस्कोरर अफ दी टुर्नामेन्डमा वडा नं. ११ खेलाडी देव मल्लिक र वडा नं. ८ खेलाडी सोहन थापा घोषित भए । उदयमान खेलाडीको रुपमा वडा नं. ८ खेलाडी सोहन थापा, उत्कृष्ट खेलाडी वडा नं. ७ हेमन लिम्बु घोषित भए । उनीहरुले नगद सहित ट्रफी प्राप्त गरे ।

त्यसैगरी, भलिबलतर्फ उपाधि वडा नं. ७ ले हात पारेको छ । वडा नं. ११ लाई हराउँदै वडा नं. ७ ले हात पारेको हो । विजेता टिम वडा नं. ७ ले नगद ३५ हजार र उपविजेता टिम वडा नं. ११ ले नगद २५ हजार सहित ट्रफि, मेडल र प्रमाण पत्र प्राप्त गरेको छ ।

त्यस्तै व्याडमन्टिन खेल तर्फ वडा नं. ९ विजेता बनेको छ । वडा नं. ११ लाई हराउँदै वडा नं. ९ विजेता बनेको हो । वडा नं. ९ का तर्फबाट अग्नी खरेल र समशेर चौधरी र वडा नं. ११ तर्फबाट गम्भीर राई र विकास कुमाल रहेका थिए । विजेता टिमले नगद १५ हजार र उपविजेता टिमले नगद १० हजारसहित ट्रफी, मेडल र प्रमाण पत्र प्राप्त गरेको शिवसताक्षी नगरपालिकाले जनाएको छ । मेयर शिवसताक्षीको झिलझिले स्थित गणेशमान अध्ययन प्रतिष्ठानको खेल मैदानमा गएको २१ गतेबाट सञ्चालन भएको थियो ।

The post शिवसताक्षीमा मेयर कपः वडा नं. १० ले फुटबल र वडा नं. ७ उचाल्यो भलिबलको उपाधि appeared first on Jhapa Online.