पाकिस्तान र भारत तत्काल युद्धविराम गर्न सहमत !

काठमाडौं । पाकिस्तानका उपप्रधानमन्त्री इशाक दारले पाकिस्तान र भारतले तत्काल लागू हुने गरी युद्धविराम गर्न सहमति भएको दाबी गरेका छन् ।

उनले भने, “पाकिस्तानले आफ्नो सार्वभौमसत्ता र क्षेत्रीय अखण्डतामा सम्झौता नगरी सधैं यस क्षेत्रमा शान्ति र सुरक्षाको लागि प्रयासरत रहेको छ ।”

यता, अमेरिकी राष्ट्रपति डोनाल्ड ट्रम्पले पनि भारत र पाकिस्तान तत्काल युद्धविरामका लागि सहमत भएको दाबी गरे । उनले सामाजिक सञ्जाल Truth Social मार्फत सो जानकारी दिएका हुन् ।

ट्रम्पले भनेका छन्, “संयुक्त राज्य अमेरिकाको मध्यस्थतामा भएको लामो वार्तापछि भारत र पाकिस्तान तत्काल युद्धविराम गर्न सहमत भएका छन् । दुवै देशलाई साझा समझदारी र उच्च बुद्धिमत्ताको प्रयोग गरेकोमा बधाई छ ।”