झापाको बाह्रदशीमा पोखरीमा डुबेर नौ वर्षीय बालकको मृत्यु

झापा, ३० चैत । पोखरीमा डुबेर गम्भीर घाइते भएका एक बालकको मृत्यु भएको छ ।

मृत्यु हुनेमा ९ वर्षीय बालक कृष्ण तामाङ रहेका छन् । चैत २९ गते दिउँसो अर्जुनधारा नगरपालिका–३ का लोकबहादुर तामाङको छोरा कृष्णलाई लिएर उनको आमा सिया लामाले आफ्नो माइतीघर बाह्रदशी गाउँपालिका–२ किरात टोल लगेकी थिइन् । घरदेखि ५० मिटर पूर्वमा रहेको पोखरीको डिलमा खेल्ने क्रममा पानीमा डुबी घाइते भएका उनलाई उपचारका लागि बिर्तासिटी अस्पताल बिर्तामोड पुर्याइएको थियो । उक्त अस्पतालमा उपचारको क्रममा सोही बालकको मृत्यु भएको जिल्ला प्रहरी कार्यालय झापाले जनाएको छ । घटनाबारे थप अनुसन्धान कार्य जारी रहेको जनाइएको छ ।

The post झापाको बाह्रदशीमा पोखरीमा डुबेर नौ वर्षीय बालकको मृत्यु appeared first on Jhapa Online.