फास्ट ट्र्याकबारे प्रतिनिधिसभामा तोसिमा कार्कीको ध्यानाकर्षणपत्र

राष्ट्रिय स्वतन्त्र पार्टीकी सांसद डा. तोसिमा कार्कीले प्रतिनिधिसभामा राष्ट्रिय गौरवको आयोजना काठमाडौं–तराई फास्ट ट्र्याकको निर्णयाबारे प्रतिनिधिसभामा ध्यानाकर्षण प्रस्ताव पेस गरेकी छिन् ।

उनले नेपाली सेनाले बनाइरहेको यो फास्ट ट्रयाकको काम तोकिएको समयसीमा भित्र सकिने वा नसकिने त्यसबारे संसदमा जानकारी दिनुपर्ने माग गरेकी छिन् ।

उनले सो फास्ट ट्र्याकको प्रस्थान बिन्दु (जिरो प्वाइन्ट) बारे रहेको विवादमा कसरी के निर्णय भयो भन्ने विषयमा पनि जानकारी दिन माग गरेकी छिन् । हाल यो राजमार्गको जिरो प्वाइन्ट खोकनालाई मानिएको छ, र यहाँको स्थानीयले यसको विरोध गरिरहेका छन् । त्यसैले जिरो प्वाइन्टको विकल्पबारे छलफल तथा सहमति भए पनि त्यसको कार्यान्वयन अवस्थाबारे जानकारी दिन सांसद कार्कीले ध्यानाकर्षण गराएकी छिन् ।