एक सातासम्मका लागि संसद बैठक स्थगित

काठमाडौं । प्रतिनिधिसभाको बैठक जेठ १३ गतेसम्मका लागि स्थगित भएको छ ।

मंगलबारको प्रतिनिधसभा बैठकले भूमी सम्बन्धि विधेयक विचार गरियोस् प्रस्ताव पारित गरेको छ । यो प्रस्ताव पारित भएसँगै भूमी सम्बन्धि विधेयक संशोधनका लागि खुला गरिएको हो ।

भूमी सम्बन्धि विधेयकमा धारणा राख्दै सांसदहरूले विधेयकमा अध्यादेशका प्रावधान जस्तो त्यस्तै समेटिएको भन्दै विरोध जनाएका थिए ।

कतिपय सांसदहरूले यस विधेयकले भूमीहीनलाई नभए भू माफियालाई हित गर्ने मत राखेका थिए ।

भूमी व्यवस्था सहकारी तथा गरिबी निवारण मन्त्री बलराम अधिकारीले भने सांसदहरूको उक्त जिकिर सही नभएको बताएका थिए ।