भाेलिसम्मका लागि स्थगित भयाे प्रतिनिधि सभा बैठक
काठमाडाैं । प्रतिनिधि सभाकाे बैठक स्थगित भएकाे छ ।आइतबार एक घण्टाका लागि स्थगित गरिएकाे बैठक भाेलिका लागि सारिएकाे संघीय संसद् सचिवालयले सूचनामार्फत जानकारी दिएकाे छ ।
आइतबार कार्यसूचीमै प्रवेश नगर्दै प्रमुख प्रतिपक्षी नेकपा एमालेसहित रास्वपा र राप्रपाले विराेध गरेपछि सभामुख देवराज घिमिरेले १ घण्टाका लागि बैठक स्थगित गर्नुभएकाे थियाे ।
नागरिकता विधेयक प्रमाणीकरण र प्रधानमन्त्री पुष्पकमल दाहाल प्रचण्डले भारत भ्रमणका क्रममा दिएकाे अभिव्यक्ति विरुद्ध प्रतिपक्षी दलहरु एक ठाउँमा उभिएका हुन् । उनीहरुले यस विषयमा सरकारले जवाफ नदिएसम्म सदन अवराेध जारी राख्ने चेतावनी दिएका छन् ।
बैठक स्थगित गरेर सभामुख घिमिरेले सदनकाे अवराेध खुलाउनका लागि पहल गर्नुभएकाे थियाे । तर सत्तापक्ष र प्रतिपक्षबीच सहमति जुट्न नसकेपछि भाेलि बिहान ११ बजे बैठक बस्ने सूचना टाँस गरेर दिइएकाे छ ।
What's Your Reaction?