साफ महिला च्याम्पियनसिप : नेपाली टोली घोषणा
काठमाडौं । साफ महिला च्याम्पियनसिप फुटबल २०२४ को लागि नेपाली टोली घोषणा गरिएको छ । सोमबार राष्ट्रिय महिला टोलीका मुख्य प्रशिक्षक राजेन्द्र तामाङले अन्जिला तुम्बापो सुब्बाको कप्तानीमा २३ सदस्यीय टोली घोषणा गरेका हुन् । च्याम्पियनसिपमा दक्षिण एसियाका सातै टोली नेपाल, माल्दिभ्स, पाकिस्तान, श्रीलंका, भारत, भुटान र बंगलादेशले सहभागिता जनाउँदै छन् । खेलहरु त्रिपुरेश्वरस्थित दशरथ रंगशालामा […]
काठमाडौं । साफ महिला च्याम्पियनसिप फुटबल २०२४ को लागि नेपाली टोली घोषणा गरिएको छ ।
सोमबार राष्ट्रिय महिला टोलीका मुख्य प्रशिक्षक राजेन्द्र तामाङले अन्जिला तुम्बापो सुब्बाको कप्तानीमा २३ सदस्यीय टोली घोषणा गरेका हुन् ।
च्याम्पियनसिपमा दक्षिण एसियाका सातै टोली नेपाल, माल्दिभ्स, पाकिस्तान, श्रीलंका, भारत, भुटान र बंगलादेशले सहभागिता जनाउँदै छन् । खेलहरु त्रिपुरेश्वरस्थित दशरथ रंगशालामा हुने तय गरिएको छ ।
सहभागी टोलीलाई दुई समूहमा विभाजन गरिएको छ । समूह ‘ए’ मा साविक विजेता बंगलादेशसहित भारत र पाकिस्तान छन् । समूह ‘बी’ मा घरेलु टोली नेपाल, भुटान, श्रीलंका र माल्दिभ्स छन् ।
सातौं संस्करणको साफ महिला च्याम्पियनसिप कात्तिक १ देखि १४ गतेसम्म आयोजना हुनेछ ।
राष्ट्रिय महिला टोली :
गोलकिपर : अन्जिला तुम्बापो सुब्बा ‘कप्तान’, अञ्जना राना मगर, उषा नाथ
डिफेन्डर : गीता राणा, अमृता जैसी, समिच्छ घिमिरे, निशा थोकर, पूजा राणा, विमला विक, हिरा कुमारी भुजेल, सजनी थोकर
मिडफिल्डर : रेणुका नगरकोटे, प्रीति राई, सरु लिम्बु, दिपा शाही, सविता राना मगर, अनिता बस्नेत, अमिषा कार्की, विमला चौधरी
फर्वाड : रश्मीकुमारी घिसिङ, अनिता केसी, रेखा पौडेल, सावित्रा भण्डारी
What's Your Reaction?