ह्यारिसले लस भेगासमा जेनिफर लोपेजसँग चुनावी र्‍याली गर्ने

काठमाडौं । डेमोक्र्याटिक उम्मेदवार कमला ह्यारिसले अमेरिकी राष्ट्रपति चुनाव अभियानअन्तर्गत लस भेगासमा एक र्‍याली गर्ने भएकी छिन् ।

ह्यारिसको यो र्‍यालीमा प्रसिद्ध अमेरिकी गायिका तथा अभिनेत्री जेनिफर लोपेजले पनि उपस्थिति जनाउनेछिन् ।

यसैबीच अमेरिकी अर्बपति व्यापारी तथा न्यूयोर्कका पूर्व मेयर माइकल ब्लूमबर्गले डेमोक्र्याटिक उम्मेदवार कमला ह्यारिसलाई समर्थन गर्ने घोषणा गरेका छन् ।

आफ्नो समर्थनको घोषणा गर्दै अमेरिकी अर्बपतिले भने, ‘म कमला ह्यारिससँग हरेक मुद्दामा सहमत छैन तर, यो हप्ताको सुरुमा मैले बिना हिचकिचाहट उनलाई भोट दिएँ ।’