निफ्राको झण्डै साढे दुई लाख संस्थापक सेयर बिक्रीमा

काठमाडौँ । नेपाल इन्फ्रास्ट्रक्चर बैंक लिमिटेड (निफ्रा)ले संस्थापक सेयर बिक्रीमा ल्याएको छ । बैंकले कार्तिक २१ गतेबाट संस्थापक सेयरधनी दिपक कुमार मुन्दडाको नाममा रहेको २ लाख ४३ हजार कित्ता संस्थापक सेयर बिक्रीमा ल्याएको हो ।

उक्त सेयरमा बैंकका अन्य संस्थापक सेयरधनीले मात्र आवेदन दिन सक्नेछन् । सेयर खरिद गर्न इच्छुक संस्थापक सेयरधनीले आगामी ३५ दिनभित्र आवेदन दिन सक्नेछन् । आवेदन बैंकको रजिष्टर्ड कार्यालय, बानेश्वर काठमाडौंमा दिन सकिनेछ ।

आफुले खरिद गर्न चाहेको सेयर संख्या खुलाएर आवेदन दिनुपर्नेछ भने सेयरको मूल्य बिक्रेताले तोके बमोजिम हुने सुचनामा उल्लेख छ ।

उक्त समयमा संस्थापक सेयरधनीले सेयर खरिद नगरे अन्य व्यक्ति वा संस्थालाई सेयर बिक्री गरिने बैंकले जनाएको छ ।