पोखराले कर्णालीविरुद्ध पहिले ब्याटिङ गर्दै

काठमाडौं । पोखरा एभेन्जर्सले कर्णाली याक्सविरुद्ध पहिले ब्याटिङ गर्ने भएको छ । टस जितेर पोखराले ब्याटिङ रोजेको हो ।

सोमपाल कामीको कप्तानीमा रहेको कर्णाली २ जित र २ हारमा साथ अंक तालिकाको चौथो स्थानमा छ ।

उ आजको खेलमा स्पष्ट जितेर शीर्ष ४ भित्र कायम रहँदै प्लेअफ सम्भावना बलियो बनाउन चाहन्छ । अर्कोतिर कुशल भुर्तेलको कप्तानीमा रहेको पोखरा पछिल्लो शानदार जितलाई निरन्तरता दिन चाहन्छ ।

लगातार २ हारेपछि दबाबमा रहेको पोखराले पछिल्लो खेलमा लुम्बिनीमाथि १० विकेटको शानदार जित निकालेको थियो । दुई अंकसहित तालिकाको पाँचौ स्थानमा रहेको पोखरालाई प्लेअफ सम्भावना कायम राख्न आज स्पष्ट जितको खाँचो छ ।