सुदूरपश्चिमका राज्यमन्त्री सवार गाडी दुर्घटना, तीन जना घाइते

धनगढी ।

सुदूरपश्चिम प्रदेशका आर्थिक मामिला राज्यमन्त्री प्रकाश बम सवार गाडी दुर्घटनामा परेको छ। राज्यमन्त्री बम सवार प्रदेश ३—०१-०२४ च नम्बको गाडी शनिबार साँझ भारतको पलिया बजार नजिक दुर्घटनामा परेको हो।

उक्त दुर्घटनामा राज्यमन्त्री बम घाइते भएको जिल्ला प्रहरी कार्यालय कैलालीले जनाएको छ। दुर्घटनामा राज्यमन्त्रीकी श्रीमती कल्पना बम र सहयोगी पदम देउवा पनि घाइते भएका छन्।

सबै घाइतेको धनगढीस्थित निसर्ग अस्पतालमा उपचार भइरहेको छ। राज्यमन्त्रीको अवस्था सामान्य छ। भारतको खिरी जिल्लास्थित पलिया बजारमा किनमेल गरेर फर्किने क्रममा दुर्घटना भएको हो।