दराजको १.१ न्यू इयर मेगा सेल : साढे २ करोडको भौचर जित्ने अवसर

काठमाडौं । दराजले नजिकिँदै गरेको नयाँ वर्षको अवसरमा १.१ न्यू इयर मेगा सेलको आयोजना गर्ने भएको छ ।

१.१ न्यू इयर मेगा सेल पुस १० गतेदेखि २१ गतेसम्म चल्नेछ । यस मेगा सेलमार्फत नयाँ वर्षको भव्य स्वागत गर्न सकियोस् भन्ने सोचका साथ कम्पनीले ग्राहकहरूलाई निःशुल्क डेलिभरी, ७० प्रतिशतसम्म छुटसहितको विशेष फ्ल्याश सेल डिल र साढे २ करोड रुपैयाँ बराबरको भौचरसमेत उपलब्ध गराउने बताएको छ ।

दराजको १.१ न्यू इयर मेगा सेल मार्फत कम्पनीले ग्राहकहरूका लागि खेलकुद र आउटडोर, फर्निचर र होम डेकोर, महिला लुगा र जुत्ता, अडिओ र मोबाइलका सामान, स्वास्थ्य तथा सौन्दर्य सामग्रीलगायत विभिन्न श्रेणीमा ४ हजार रुपैयाँसम्मको छुट प्राप्त गर्न सकिने भौचर उपलब्ध गराउने जनाएको छ ।

मेगा सेल केवल छुटहरूमा मात्र सिमित नभएको र यसमार्फत ग्राहकहरूले नयाँ उत्पादनहरू, क्लियरेन्स सेल, विभिन्न ब्रान्डहरूको हट डिल मार्फत ६० प्रतिशतसम्म छुटका साथै रु. ६९९, रु. ९९९, र रु. १,९९९ भित्रको विशेष अफरको मज्जासमेत लिन सक्ने कम्पनीले जनाएको छ ।

दराजले आफ्ना सम्मानित ग्राहकहरूका लागि थप बचतको व्यवस्था गर्ने उद्देश्यका साथ नेपालका प्रमुख बैंकहरूसँग साझेदारी पनि गरेको छ । १.१ सेलको अवधिभर, ग्राहकहरूले दराज एपमा कार्डमार्फत भुक्तानी गर्दा थप छुटहरू प्राप्त गर्न सक्नेछन् ।