पुलिसको उच्च स्कोर पछ्याउँदै बागमती, पहिलो दिन ९५ रनले पछि

काठमाडौं । जय ट्रफी एलिट कपमा पहिलो दिनको खेलमा पहिलो दिनको खेल सकिँदा बागमती प्रदेश नेपाल पुलिस क्लबविरुद्ध ९५ रनले पछि परेको छ ।

जनकपुरस्थित रामजानकी मल्टिपर्पस स्टेडियममा आफ्नो दोस्रो इनिङ्स खेल्दै बागमतीले ४ ओभरमा विना विकेट ८ रन बनाएको छ । यससँगै बागमती समग्रमा ९५ रनले पछि परेको हो ।

यसअघि नेपाल पुलिस क्लब आफ्नो पहिलो इनिङ्समा ४५.५ ओभरमा २१५ रन बनाउँदै अलआउट भएको थियो ।

पुलिसका लागि अर्जुन साउद र अमित श्रेष्ठले अर्धशतकीय पारी खेले ।

अमितले ९७ बलमा १० चौका र २ छक्का प्रहार गर्दै ७९ रन बनाए । अर्जुनले ८२ बलमा ८ चौका र २ छक्का प्रहार गरे । गुल्शन झाले १७ रन बनाए । अन्य खेलाडीले दोहोरो अङ्क छुन सकेनन् ।

बागमतीका लागि कप्तान सन्दीप लामिछानेले ४ विकेट लिए । उनले ११.५ ओभरमा ६५ रन खर्चेर ४ विकेट लिए । सो क्रममा उनले ३ मेडन ओभरसमेत फाले ।

सन्दीपले अर्जुन साउलाई ३५.३ ओभरमा, शङ्कर रानालाई ३९.४ मा, सन्तोष यादवलाई ४५.२ र ललित राजवंशीलाई ४५.५ ओभरमा आउट गरे ।

यस्तै, प्रतिश जिसी र नन्दन यादवले २–२ तथा रिजन ढकालले १ विकेट लिए ।