साहब र बसिरसामु चलेन पुलिसको ब्याट, आर्मीभन्दा ९५ रनले मात्र अगाडि

काठमाडौं । जय ट्रफी एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले ९५ रनको अग्रता लिएको छ ।

वीरगञ्जस्थित नारायणी क्रिकेट मैदानमा जारी फाइनल खेलको दोस्रो दिनको दोस्रो इनिङ्समा पुलिसले ४६ ओभरमा ९ विकेटको क्षतिमा १३२ रन बनाएको छ ।

यसअघि आर्मी आफ्नो पहिलो इनिङ्समा ३९.५ ओभरमा १७० रनमा अलआउट भएको थियो ।

पुलिसका लागि कुशल भूर्तेलले ४५ रन बनाए ।

दिलिप नाथले ३४ र राशिद खानले १८ रन जोडे । अमित श्रेष्ठले १३ रन बनाउँदा अन्य खेलाडीले भने दोहोरो अङ्कको रन बनाउन सकेनन् ।

आर्मीका लागि साहब आलमले ५ विकेट लिए भने बसिर अहमदले ४ विकेट लिए ।