इलाममा आगलागी, चार लाख बराबरको क्षति

इलाम, ४ माघ । इलाम नगरपालिका वडा नं. ३ चिसेनीस्थित ठाकुर सिंह राईको घरमा आगलागी भएको छ । माघ ३ गते राति करिब १० बजे आगलागी भएको जानकारी आज पाएपछि अस्थायी प्रहरी विट पुवामझुवाबाट प्रहरी निरीक्षक हरिकिशोर राजवंशीको कमाण्डमा एक टोली घटनास्थलतर्फ खटिएको थियो ।

घरमा चुल्होबाट सल्केको आगोले घर पूर्ण रूपमा जलेर नष्ट भएको छ भने घरभित्र रहेका लत्ताकपडा, भाँडाकुँडा तथा खाद्यान्न सामग्रीसमेत जलेर नष्ट हुँदा करिब चार लाख रुपैयाँ बराबरको क्षति पुगेको प्रहरीको प्रारम्भिक अनुमान छ । आगलागीबाट मानवीय वा चौपाय क्षति भएन भने आगलागी स्थानीयबासीले नियन्त्रणमा लिएका थिए ।

The post इलाममा आगलागी, चार लाख बराबरको क्षति appeared first on Jhapa Online.