ट्रम्प-सीबीच फोनवार्ता, टिकटकको विषयमा पनि छलफल

काठमाडौं । चिनियाँ राष्ट्रपति सी चिनफिङ र अमेरिकाका नवनिर्वाचित राष्ट्रपति डोनाल्ड ट्रम्पबीच विभिन्न विषयमा टेलिफोन वार्ता भएको छ ।

ट्रम्पले जनवरी २० मा राष्ट्रपति पदको शपथ लिनुअघि दुई नेताबीचको कुराकानी भएको हो ।

चीनको तर्फबाट उपराष्ट्रपति हान झेङ ट्रम्पको शपथ ग्रहण समारोहमा सहभागी हुनेछन् ।

सोसल मिडिया प्लेटफर्म ट्रुथ सोसलमा सी जिनपिङसँगको कुराकानीको जानकारी दिँदै ट्रम्पले उक्त कुराकानी दुवै देशका लागि राम्रो भएको बताए ।

ट्रम्पले लेखेका छन्, ‘मलाई आशा छ कि सँगै हामी धेरै समस्याहरू समाधान गर्नेछौं र तुरुन्तै सुरु गर्नेछौं । हामीले व्यापार सन्तुलन, टिकटक र अन्य धेरै विषयमा छलफल गर्यौं ।’

ट्रम्पले थप भने, ‘राष्ट्रपति सी चिनफिङ र म विश्वलाई शान्त र सुरक्षित बनाउन हरसम्भव प्रयास गर्नेछौं ।’

टिकटकले भन्यो – अमेरिकामा भोलिदेखि प्लेटफर्म बन्द हुन्छ