बढ्यो सेयर बजार, यी हुन् सर्वाधिक कमाउने पाँच कम्पनी 

काठमाडौं । साताको कारोबारको पहिलो दिन आज सेयर बजारमा दोहोरो अङ्कको वृद्धि भएको छ । आज नेप्से परिसूचक १२ दशमलव ५८ अङ्कले बढेर २६०१ दशमलव २१ को विन्दुमा पुगेको छ ।

आइतबार ३२५ कम्पनीका ७२ हजार ५ सय ४० पटकको कारोबारमा १ करोड २९ लाख ८२ हजार ६१९ कित्ता सेयर खरिद बिक्री भएको छ । जसमा कारोबार रकम ६ अर्ब २५ करोड ७२ लाख ३५ हजार ६२४ रुपैयाँ रहेको छ ।

त्यस्तै, १७१ कम्पनीको सेयर मूल्य बढ्दा ६८ कम्पनीको घटेको छ भने चार कम्पनीको मूल्य स्थिर रहेको छ । १३ उपसमूहमध्ये तीन वटा घट्दा बाँकीमा हरियाली छाएको छ भने आज बोटलर्स नेपालका लगानीकर्ताले १० प्रतिशतका दरले कमाएका छन् ।

आइतबार एनआरएन इन्फ्रास्ट्रक्चर, सुपर मादी हाइड्रोपावर, सानिमा मिडल तमोर हाइड्रोपावर, सिन्धु विकास बैङ्क र पोखरा फाइनान्सले सर्वाधिक कमाएका छन् ।