जापानमा माइकोप्लाज्मा निमोनिया संक्रमणमा वृद्धि

एजेन्सी । जापानमा माइकोप्लाज्मा निमोनियाका घटनाहरूमा उल्लेख्य वृद्धि भइरहेको छ । विगत दशकको तुलनामा यस वर्ष बिरामीको संख्या उच्च स्तरमा पुगेको छ ।

राष्ट्रिय संक्रामक रोग संस्थानका अनुसार माइकोप्लाज्मा निमोनिया बिरामीहरूको साप्ताहिक औसत संख्या जनवरी १२ सम्म १.११ पुगेको छ, जुन अघिल्लो हप्ताको तुलनामा ०.३४ ले बढेको छ ।

माइकोप्लाज्माले निमोनिया, बच्चाहरुमा सामान्य संक्रमण, ज्वरो, थकान, टाउको दुखाइ र लगातार खोकी जस्ता लक्षणहरु निम्त्याउँछ । गम्भीर अवस्थामा, यसले निमोनिया निम्त्याउन सक्छ र अस्पताल भर्ना आवश्यक पर्दछ ।

यसैबीच, रुघाखोकीजस्ता लक्षण देखि गालामा रातो दाना देखिने एरिथिमा इन्फेक्टियोसम पनि बढ्दै गएको छ । गत हप्ता देशभरका झण्डै तीन हजार चिकित्सा संस्थाहरूले औसत ०.९४ केस रिपोर्ट गरेका छन् ।

इन्फ्लुएन्जा पनि व्यापक रहेको हुनाले विज्ञहरूले मास्क लगाउने लगायत संक्रमण रोकथामका उपायहरूको महत्त्वमा जोड दिए ।