राष्ट्रिय रमणीय आदर्श माविद्वारा रुद्र–गौरी श्री–अम्बिका ओली प्रतिष्ठानलाई सम्मान

झापा, २२ माघ । राष्ट्रिय रमणीय आदर्श माध्यमिक विद्यालय शिवशताक्षी–११ ले रुद्र–गौरी श्री–अम्बिका ओली प्रतिष्ठान भद्रपुर–७ लाई सम्मान गरेको छ ।

विद्यालयको ५५औ वार्षिकोत्सको अवसरमा प्रतिष्ठानलाई सम्मान गरिएको हो । प्रतिष्ठानले विद्यालयमा अध्ययनरत जेहनदार, अनुशासित, अतिरिक्त क्रियाकलापमा उत्कृष्ट आर्थिक अवस्था कमजोर भएका १०१ जना छात्रछात्राहरुलाई १०१ थान ट्रयाकसुट वितरण गरेको थियो ।

प्रतिष्ठानको शैक्षिक कार्यक्रम अन्तर्गत ट्रयाकसुट वितरण गरी विद्यार्थीलाई विद्यालय आउने वातावरण सहज बनाइदिएकोमा उक्त कार्यको प्रशंसा गर्दै विद्यालयका प्रधानाध्यापक गिरिराज शेर्मा, शिक्षकद्वय यादव घिमिरे र राकेश चौधरी लगायतको टोली घरमै पुगेर प्रतिष्ठानका कोषाध्यक्ष यज्ञप्रसाद ओली (गोपाल)लाई दोसल्ला ओडाएर सम्मान–पत्र प्रदान गरिएको हो ।

The post राष्ट्रिय रमणीय आदर्श माविद्वारा रुद्र–गौरी श्री–अम्बिका ओली प्रतिष्ठानलाई सम्मान appeared first on Jhapa Online.