ला लिगा : उपाधि दौडमा एट्लेटिकोलाई बार्सिलोनाले फेरि उछिन्यो

काठमाडौं । स्पेनिस ला लिगा फुटबलमा तीव्र प्रतिस्पर्धा भइरहेको छ । विशेषगरी तीन ठूला क्लबहरू रियल मड्रिड, बार्सिलोना र एट्लेटिको मड्रिडबीच तीव्र प्रतिस्पर्धा भइरहेको हो ।

यसैबीच रियाल सोसिडाडविरुद्ध ४–० को सहज जित दर्ता गर्दै बार्सिलोना पुनः लिगको शीर्षस्थानमा उक्लिएको छ । यसअघि आइतबार मात्रै एट्लेटिको बार्सिलोनालाई नै पछि पारेर शीर्षस्थानमा उक्लिएको थियो । उसको त्यो अग्रता २४ घण्टासम्म मात्र रह्यो ।

आइतबार बिहान ओलिम्पिक लुइस कम्पनिज रङ्गशालामा घरेलु टोली बार्सिलोनालाई जित दिलाउन जेरार्ड मार्टिन, मार्क क्यासडो, रोनाल्ड अरउजो र रोबर्ट लेवान्डोवस्कीले १–१ गोल गरे ।

खेलको १७औं मिनेटमा आर्तिज इलुस्टोन्डोले रातो कार्ड खाएपछि सोसिडाड १० खेलाडीमा सीमित भएको थियो । यसपछि लगातार गोल खान पुग्यो ।

यस जितसँगै लिग लिडर बार्सिलोनाले २६ खेलबाट ५७ अङ्क जोडेको छ । यो दोस्रो स्थानको एट्लेटिकोभन्दा १ अङ्क बढी हो । पराजित सोसिडाड समान खेलबाट ३४ अङ्कका साथ लिगको नवौं स्थानमा छ ।

सर्वाधिक ३६ पटकको विजेता रियल तेस्रो स्थानमा छ । लिगको चौथो स्थानमा बिल्बाओ, पाँचौंमा भिल्लारियाल र छैटौंमा बेटिस रहेका छन् ।

अल्भारेजको गाेलसँगै एट्लेटिको ला लिगाको शीर्ष स्थानमा, उपाधि दौडमा तीव्र प्रतिस्पर्धा