डिपोर्ट हुने नेपालीमा एक महिलासहित सात पुरूष

काठमाडौं । अमेरिकाले ८ जना नेपालीलाई डिपोर्ट गरेको छ । डिपोर्ट हुनेमा एक महिलासहित ७ सात पुरुष छन् ।

विमानस्थल स्रोतकाअनुसार ३० वर्षीया महिला, २२, २३, २४ वर्षीय युवकलाई समेत नेपाल फर्काइएको छ ।

अमेरिकाले विमान चार्टड गरेर नेपालीलाई फर्काएको हो । उनीहरूलाई लिएर आएको विमान बुधबार बिहान अवतरण भएको थियो ।

उक्त विमानले एक अफ्रिकी देशको आप्रवासीलाई समेत लिएर आएको थियो । उनीहरुलाई गन्तव्यमा ओरालेर विमान नेपाल आएको बताइएको छ ।

राष्ट्रपति डोनाल्ड ट्रम्पले गैरकानुनी आप्रवासीप्रति कडा नीति अवलम्बन गर्दै गैरकानुनी आप्रवासीलाई स्वदेश फर्काइरहेका छन् । त्यसक्रममा यसअघि २७ नेपाली फिर्ता भएको अध्यागमन विभागले जनाएको छ ।

नेपाली आप्रवासीलाई लिएर उत्रियो अमेरिकी विमान (तस्वीरहरू)