राजावादी आन्दोलनमा ज्यान गुमाएका एभिन्यूजकर्मी रजकको स्मृतिमा पुरस्कारको घोषणा

काठमाडौँ।

राजावादीको आन्दोलनमा ज्यान गुमाएका एभिन्यूज खबरकर्मी सुरेश रजकको स्मृति ताजा राख्न एभिन्यूज खबर टेलिभिजनले पुरस्कारको घोषणा गरेको छ।
यो पुरस्कार हरेक वर्ष रजकको स्मृति दिवसका दिन चैत १५ गते प्रदान गरिने एभिन्यूजद्वारा जारी विज्ञप्तिमा जनाइएको छ ।

त्यसैगरी रजकको परिवारलाई रोजगारीका लागि पहल गर्ने,तत्कालका लागि काजकिरिया खर्च वापत १ लाख रुपैयाँ प्रदान गरिएको । संस्थाबाट पाउने सबै पारिश्रमिक रजकको परिवारलाई उपलब्ध गराइएको पनि विज्ञप्तिमा उल्लेख छ ।

यस्तै एभिन्यूजले गरेको रजकको बीमा बापतको १० लाख रुपैयाँ प्राप्तिका लागि आवश्यक प्रक्रिया अघि बढाइने पनि उल्लेख गरेको छ ।

चैत १५ गते शुक्रबार काठमाडौंको तीनकुनेमा भएको राजावादी समूहको प्रदर्शनका क्रममा रजकको ज्यान गएको थियो।