पहिलो जितको खोजीमा मुम्बई, विजयी यात्रा जारी राख्ने धुनमा कोलकाता

काठमाडौं । आईपीएल (IPL) को १२औं खेलमा आज मुम्बई इन्डियन्सले डिफेन्डिङ च्याम्पियन कोलकाता नाइट राइडर्सको सामना गर्दैछ ।

खेल मुम्बईको घरेलु मैदान वानखेडे स्टेडियममा नेपाली समयअनुसार साँझ ७:४५ बजे खेलिनेछ ।

मुम्बईले आफ्ना दुवै सुरुवाती खेलमा पराजय व्यहोरेको थियो । टोलीले पहिलो खेलमा चेन्नई सुपर किङ्ग्स र दोस्रो खेलमा गुजरात टाइटन्ससँग पराजय भोग्नु परेको थियो ।

अर्कोतर्फ कोलकाताले सिजनको पहिलो खेलमा रोयल च्यालेन्जर्स बैङ्गलोरसँग पराजित भएको थियो । राजस्थान रोयल्सविरुद्धको दोस्रो खेलमा टोली विजयी लयमा फर्किएको छ ।

कोलकातामाथि मुम्बईको भारी जित

आईपीएलमा मुम्बई र कोलकाताबीच कुल ३४ खेल खेलिएका छन्, जसमध्ये मुम्बईको टोलीले २३ खेल जितेको छ भने कोलकाताले ११ खेल जितेको छ ।

यसैबीच वानखेडे स्टेडियममा मुम्बई र कोलकाताबीच ११ खेल खेलिएका छन्, जसमध्ये मुम्बईले ९ पटक जितेको छ भने कोलकाताले २ खेल मात्र जितेको छ । यस्तो अवस्थामा घरेलु मैदानमा एमआई टोलीको केकेआरमाथि ठूलो पकड छ ।

मुम्बईका सूर्यकुमार यादव उत्कृष्ट फर्ममा छन् । उनले गुजरात टाइटन्स विरुद्ध ४८ रनको इनिङ खेले । यद्यपि, एमआईले खेल ३६ रनले हारेको थियो । बलरहरूमा २४ वर्षीय विग्नेश पुथुरले चेन्नई विरुद्धको पहिलो खेलमा ३ विकेट लिएका थिए । उनी यस सिजनमा अहिलेसम्म टोलीका शीर्ष बलर हुन् ।

क्विन्टन डि कक यस सिजनमा कोलकाताका अहिलेसम्मका शीर्ष ब्याट्सम्यान हुन् । उनले पछिल्लो खेलमा राजस्थान विरुद्ध ९७ रनको म्याचविनर इनिङ खेले । मिस्ट्री स्पिनर वरुण चक्रवर्तीले टोलीका लागि २ खेलमा ३ विकेट लिएका छन् ।

पिच रिपोर्ट

वानखेडेको पिच ब्याटिङमैत्री छ । यहाँ तीव्र गतिका बलरहरूले केही सहयोग पाउँछन् । यहाँ अहिलेसम्म ११६ आईपीएल खेल खेलिएका छन् । ५४ खेलमा पहिले ब्याटिङ गर्ने टोलीले जितेको छ भने ६२ खेलमा पछ्याउने टोलीले जितेको छ ।

सम्भावित प्लेइङ-१२

मुम्बई : हार्दिक पाण्ड्या (कप्तान), रोहित शर्मा, रायन रिकेलटन (विकेटकीपर), सूर्यकुमार यादव, तिलक वर्मा, नमन धीर, मिचेल स्यान्टनर, दीपक चाहर, ट्रेन्ट बोल्ट, मुजीब उर रहमान, सत्यनारायण राजु, रोबिन मिन्ज ।

कोलकाता : अजिंक्य रहाणे (कप्तान), क्विन्टन डी कक (विकेटकीपर), सुनील नारायण, वेंकटेश अय्यर, रिंकु सिंह, आन्द्रे रसेल, रमनदीप सिंह, स्पेन्सर जोनसन, वैभव अरोरा, हर्षित राणा, वरुण चक्रवर्ती, अंगकृष रघुवंशी ।