प्रहरीको स्पष्टीकरण – तीनकुनेमा कसैलाई पनि पछाडिबाट गोली हानिएको छैन

काठमाडौं । प्रहरीले तीनकुने घटनामा पछाडिबाट आन्दोलनकारीलाई गोली हानियो भनेर अफवाह फैलाइएको बताएको छ ।

पत्रकार सम्मेलन गर्दै प्रहरीले कसैलाई पछाडिबाट गोली नहानेको दाबी गरेको हो ।

नेपाल प्रहरीका केन्द्रीय प्रवक्ता डीआईजी दिनेश आचार्यले भने, “कसैलाई पछाडिबाट गोली हानिएको छैन । पछाडिबाट गोली हानेको भए कसरी अगाडि पट्टीको भागमा लाग्छ । सबै गोली अगाडिबाट हानिएको छ । भीड नियन्त्रण गर्न गोली हान्ने अवस्था आएको हो ।”

चैत १५ गते दिउँसो २:५४ बजे पहिलो पटक गोली चलाएको उनको भनाइ छ । साथै, प्रहरीले नभई आन्दोलनकारीले झडपको अवस्था सिर्जना गरेको डीआईजी आचार्य बताउँछन् ।